perchè nimu in li nostri paesi ùn avessi à sceglie trà scaldà e so case o campà incu dignità.
Sulidarità per i nostri vechji
Cù a creazione di A Squadra Tecnica, è in più di e nostre azzioni « Aiutu à u populu », avemu scupertu un'altra realità, suventè discreta ma assai prisente in certi famigliè di i nostri paesi.
Grazie à parechje tistimunianze di persone nant'à u terrenu, avemu amparatu chi certi anziani ùn si servenu piu di i mezzi eletrichi, o anu limitatu assai u so riscaldamentu.
Per certi di elli, cù redditi assai modesti, u costu di l'elettricità hè diventatu troppu altu.
Quandu scaldassi diventa un lussu
Per parechji , accende u riscaldamentu pare un gestu ordinariu.
Ma per una persona anziana chì campa sola cù una piccula pensione, ogni spesa conta.
Calchì volta ci vole à sceglie trà pagà a fattura d''elettricità, manghja , pagà è midicine, o fà fronte à e spese d' ogni ghjornu..
Quessa hè una situazione ch' ùn pudemu micca accettà cum'è una fatalita
I nostri anziani ùn devenu mai avè da sceglie trà scaldà e so case , o manca di l'essenziale pè campa
Una nova iniziativa lanciata in u 2025
Per quelli chì anu sempre un caminu o una stufa à legna, Associu À Salvezza Dunque, una nova iniziativa hè stata lanciata in u 2025:«Sulidarità per i nostri vechji»Una catena di sulidarità urganizata intornu à raccolta è distribuzione di legnu pè scaldassi.U principiu hè simplice: raccoglie u legnu chì pò serve , preparallu, traspurtallu è rigalalu à e persone chì ne anu veramente bisognu.
Legnu… ma soprattuttu, una catena umana
tutte st' azzione so pussibule grazia, una volta di più, à a generosità di quelli chì ci sustenenu.
Pudemu cuntà, in particulare, nant'a Thomas Casabianca è Marcuciu Branca, ghjovani impresarii di a furesta , chì vulianu participà à sta iniziativa.
ma dinu a nostra Cumuna Vintisari cha sustenutu stu prughjettu , in particulare da l'arburi abbattuti dopu à e timpeste.
Ogni persona porta a so propria cuntribuzione:legnu, un veiculu, un attrezzu , qualchì ora di travagliu o simpliciamente una manu .
È quandu tutte issi gesti si riuniscenu, diventanu un veru attu di sulidarità.
Daretu à ogni viaghju, c' hè un omu
U nostru travagliu ùn hè micca limitatu à uni pochi di pezzi di legnu. Daretu à ogni viaghju , c' hè un'anima, una storia, una casa di paese, qualchì volta una sulitudine ch'ùn si vede micca.
Soprattuttu, c' hè una persona anziana ch' hà travagliatu tutta a so vita è chì ùn deve micca, oghje, temè u fretu. Quandu i nostri benevulè portanu un pezzu di legnu , portanu di sicuru u calore per scaldà e so case.
Ma portanu ancu qualcosa d' altru:una presenza, una attinzioni, è a certezza di ùn esse sminticatu .
Ogni petra faci muru
Quissa azzione illustra una volta di più u nostru modu di cuncipisce a sulidarità.
Ùn avemu micca sempre i mezzi in cunsiguenti . Ma quandu Vuluntarii, prufessiunali, una municipalità è residenti decidenu d'agisce inseme, parechje cose diventanu pussibuli.
Un arburu cascatu dopu a una timpesta po diventa legnu pè scaldassi
qualchi 'ore offerte da un benevulè ponu fà un carcu di legnu
È stu carcu di legnu pò permette à una persona anziana di passà l'inguernata a u caldu.
