Strapunte , cuverte, elettrodomestichi : l’Associu À Salvezza face appellu à a vostra sulidarità per raccoglie è ridistribuisce l’attrezzature indispensèvule à e persone tocche da l’inundazioni.
Ogni donu utile pò aiutà una famiglia à rialzassi.
Inundazioni di u 20 d'ottobre di u 2026:
Aiutemu i sinistrati à ritruvà una vita cutidiana degna.
Mubilizati da u lindumane di l’inundazioni
Dapoi u 21 d’ottobre, di pettu à l'impurtanza di l’inundazioni è à i danni tamanti, l’Associu À Salvezza hà messu in opera u so pianu d’azzione.
Cù a nostra squadra tecnica è i nostri benevule, avemu messu dui mezi di pumpaghju à dispusizione di e cumune di Vintisari è di Solaru per cuntribuisce à l’operazioni d’urgenza.
E nostre piccule cumune sò cunfruntate à situazioni difficiule è anu assai bisogni
À a dumanda di a merria di Solaru, avemu dinù messu di rigalu un alloghju à dispusizione d’una persona chì hà persu tuttu.
Dapoi, a nostra mubilizazione cuntinueghja : a distribuzione d’elettrodomestichi, l’aiutu alimentariu è i vestiti venenu à cumplettà e prime intervenzioni.
Avemu bisognu di u vostru aiutu
Daretu à e case dannighjate, ci sò famiglie tocche, vite scuzzulate è persone chì devenu rimpiazzà l’attrezzature essenziale di a so casa.
strapunte, senza tacche nè tracce di muffa.
Cuverte è piumoni puliti, in bon statu è pronti à esse aduprati.
Elettrodomestichi in bon statu di funziunamentu, in particulare frigoriferi, lavatrici è apparechji di cucina. I vostri doni seranu raccolti da l’associu è po ridistribuiti à i sinistrati, secondu i bisogni identificati.
Vi ringraziemu di prupone solu attrezzature chì e famiglie puderanu aduprà subitu.
cosè in gativu statu ùn puderanu risponde à l’urgenza di a so situazione.
Cumu prupone un donu ?
Cuntattate l’associu prima di purtà u vostru donu., da pudè verificà i bisogni è urganizà inseme e modalità di ricuperazioni o di trasportu
Per facilità l’urganizazione, precisate :
- U materiale chì vulete dà è u so statu.
- E dimensioni, in particulare per i letti è l’elettrodomestichi.
A cumuna induve u donu hè dispunibule.
I vostri dati di cuntattu è e vostre dispunibilità.
S’ellu hè pussibule, aghjunghjite una foto.
Ùn avete micca materiale da dà ?
Spartite st’a chjama ! cù e persone intornu à voi.
Spartendu issa chjama , ci pudete aiutà à truvà l’attrezzatura chì una famiglia hà bisognu.
Inseme, cuntinuemu à fà campà a sulidarità.
A nostra priurità ferma listessa : esse prisenti, agisce cuncretamente è purtà un aiutu subitu à quelle è quelli chì ne anu u più bisognu.
Grazie à u nostru squadra tecnica, à i nostri benevulè, donatori è tutte e persone chì rendenu pussibule queste azzioni.
Associu À Salvezza : A sulidarità ùn hè micca una parolla, hè un’azzione.