Un friguriferu rigalatu à u nostra associu per una donna di 84 anni hè statu arrubatu nanzu chì i nostri benevulè u pudessinu ricuperà. Di pettu à stà malfatta e, a nostra indignazione tamanta, a nostra vuluntà d’aiutà un a micca piantatu.
Un friguriferu arrubatu, una sulidarità chì ùn cala
Un rigalu per ritruvà una vita cutidiana più degna
Dapoi omancu sei mesi, sta donna di 84 anni campava senza friguriferu.
Per cunservà i so alimenti, duvia cuntà nant’à l’aiutu di i so vicini è purtà i so prudutti ind’è elli.
Un generosu dunatore ci avia prupostu un friguriferu per aiutalla.
Duvendu parte in Marseglia per fassi curà, l’avia lasciatu nant’à a so terrazza, pè chì i nostri benevulèi u pudessinu ricuperà.
Ci facia cunfidenza per chi issu mezzu ghjuvessi à una persona chì ne avia veramente bisognu.
Hè durante a so assenza chì u frigriferu hè statu arrubatu.
Daretu à ogni rigalu, un impegnu umanu
issu arrubbecciu ci rivolta. Daretu à st’apparechju, ci eranu u gestu generosu d’un dunatore, a speranza d’una persona anziana è l’impegnu di i nostri vuluntarii. Dopu à i so ghjurnate di travagliu, danu torna di u so tempu per ricuperà, riparà, traspurtà è purtà materiale à e persone chì ne anu bisognu. Ogni rigalu mubilizeghja energie è face campà una catena preziosa d’aiutu mutuale. Arrubbà stu friguriferu hè ancu tuccà à sta sulidarità.
Cuntinuà a nostra missione, malgradu tuttu
Di pettu à sta situazione, ci simu subitu impegnati à truvà un altru frigu per sta dona è à consegnallu u ghjornu dopu.
Quessa azzione ùn metterà micca in causa a nostra vuluntà d'agisce.
Continueremu à esse prisenti per l'anziani, isulati o in difficultà, cù a listessa cunvinzione: ognunu merita di campà cù dignità.
À ringrazià di core u nostru generosu dunatore, i nostri benevulè è tutte e persone chì facenu campà st’aiutu mutuale ogni ghjornu. Nunda ùn puderà indebulisce a nostra determinazione.